ՏՂԱՄԱՐԴ: Անպտղություն
Ողջ ճշմարտությունը` տղամարդու անպտղության մասին. med.news.am
Տղամարդու տարիքը, ալկոհոլի եւ ծխախոտի օգտագործման մակարդակը, ձեռք բերած սեռավարակները, կշիռը եւ նույնիսկ շրջակա միջավայրի ջերմաստիճանը կարող են անպտղության գործոն դառնալ:
Թե՛ տղամարդու, եւ թե՛ կնոջ անպտղության շուրջ բազմաթիվ մոլորություններ ու առասպելներ կան: Հայտնի է, որ անպտղությունը տղամարդու մոտ սերմնահեղուկի թերարտադրությամբ կամ սերմնաբջիջների չափի ու ձեւի խախտման տեսքով է արտահայտվում: Չնայած` հորմոնալ խնդիրներն էլ կարող են իրենց դերը ունենալ:
Ի հավելումն գենետիկայի եւ կենսաբանության, կենսակերպն ու շրջակա միջավայրը եւս կարող են մեծ դերակատարում ունենալ պտղաբերության հարցում: Տղամարդու տարիքը, ալկոհոլի եւ ծխախոտի օգտագործման մակարդակը, ձեռք բերած սեռավարակները, կշիռը եւ նույնիսկ շրջակա միջավայրի ջերմաստիճանը կարող են անպտղության գործոն դառնալ: «Տղամարդիկ իրենց ներքին վախերի պատճառով չեն ուզում մտածել պտղաբերության մասին եւ խուսափում են թեմայի ուսումնասիրությունից», - գտնում է Իլինիոյսի պտղաբերության կենտրոնի բժիշկ Քրիստոֆեր Սայպը, տեղեկացնում է Medical Daily-ն։ Ստորեւ անպտղության մի քանի` ամենակարեւոր գործոնները ներկայացնենք.
Տարիք
Որոշ աղբյուրներ նշում են, որ տղամարդկանց պտղաբերության անկումը 37 տարեկանից է սկսվում: Որոշներն էլ ասում են, որ վերարտադրողական ֆունկցիան մինչեւ 41 եւ նույնիսկ 45 տարեկան անխափան է գործում: Ինչեւիցէ, բոլորն էլ ընդունում են, որ տարիքի հետ վերարտադրողականությունն ավելի դժվար է իրականացվում: Թեկուզեւ եղել են դեպքեր, երբ տղամարդիկ 60 կամ 70 տարեկանում հայր են դարձել: Վերջին տասնամյակներին նման արտառոց երեւույթների թիվը գնալով նվազում է: Ընդհանուր առմամբ, սեռական ակտի հաճախականությունն ուղիղ համեմատական է հղիության ցուցանիշին: Նվազ սեռական ակտիվությունը նույնքան նվազ հղիության է բերում:
Թմրամիջոցներ, ծխախոտ, ալկոհոլ
Ոչ ճիշտ կենսակերպը եւս կարող է աղդեցություն ունենալ տղամարդու պտղաբերության վրա: Վերջերս «Human Reproduction» ամսագրում հրապարակված հոդվածն առաջին եւ ամենամեծ ուսումնասիրությանն էր ներկայացնում առ այն, թե ինչպես կարող է մարդու կենսակերպն անդրադառնալ սերմնաբջիջների մորֆոլոգիայի վրա: Շեֆիլդի եւ Մանչեսթերի համալսարանականները պարզել են, որ կանաբիսը բացասական ազդեցություն է ունենում սպերմայի վրա: Տարօրինակ է, որ ալկոհոլի ու ծխախոտի ազդեցության ուսումնասիրությունը որեւէ նշանակալի կապ չի հայտնաբերել:
Գրանցվել են նաեւ այլ հետազոտություններ, որոնց արդյունքները բոլորովին այլ պատկեր են ստեղծել: Նախ, որ ծխախոտն ու ալկոհոլը դրականորեն են ազդում պտղաբերության մակարդակի վրա` մինչեւ 30% բարձրացնելով հղիության հավանականությունը: Այդուհանդերձ, վերարտադրողական բժշկության ամերիկյան կենտրոնը գտնում է, թե անպտղության դեպքերի 13%-ի պատճառը ծխախոտն է, քանի որ այն անմիջական ազդեցություն ունի սերմնահեղուկի արտադրության մակարդակի վրա: Մասնավորապես, ծխախոտը կարող է ցածր քանակի, որակի եւ շարժունակության սերմնաբջիջների հանգեցնել:
Շրջակա միջավայր
Որքան էլ անհավանական է թվում, որոշ հետազոտություններ ցույց են տվել, որ բջջային հեռախոսների եւ այլ փոքր սարքերի կողմից արտանետվող էլեկտրամագնիսական ռադիացիայի ռադիոհաճախականությունները կարող են անդառնալի վնաս պատճառել տղամարդու պտղաբերությանը: Հատկապես, երբ խոսքն այն տղամարդկանց է վերաբերում, ովքեր արդեն իսկ պտղաբերության նվազման տարիքային շեմին են գտնվում:
Շրջակա միջավայրի ջերմաստիճանը եւս կարող է անպտղության հանգեցնել: Ուստի խորհուրդ է տրվում, մասնավորապես, ցնցուղ կամ լոգանք ընդունելիս, խուսափել չափազանց տաք ջրի կիրառությունից:
Գիրություն
Հավելյալ քաշը եւս իր ազդեցությունն ունի տղամարդու պտղաբերության վրա: Գիրությամբ պայմանավորված, օրգանիզմում էսթրոգենի բարձր եւ տեստոստերոնի ցածր մակարդակը կարող է ո՛չ միայն սերմնաբջջի անցանկալի որակական փոփոխության բերել, այլ նաեւ դրա ֆիզիկական եւ մոլեկուլյար կառույցի խախտման հանգեցնել:
Կարդացեք նաև
Անպտղություն է համարվում, երբ զույգի մոտ առանց հակաբեղմնավորիչների մեկ տարի շարունակ կանոնավոր սեռական կյանքի ընթացքում չի արձանագրվում...
Տարածված այն կարծիքը, եթե կինը չի հղիանում, ուրեմն հենց ինքն է դրանում մեղավոր, շատ սխալ է: Վաղուց արդեն հաստատված է, որ տղամարդկանց անպտղությունը հանդիպում է ոչ հազվադեպ, քան կանանց մոտ...
Հանրության շրջանում տղամարդու անպտղությանը վերաբերող բազմաթիվ փաստեր եւ առասպելներ են շրջանառվում, որոնք տարանջատման կարիք ունեն: Ստորեւ ճշմարտությունը երեւակայության արգասիքից...
Անցյալ տարի իրականացված հետազոտություններից մեկի արդյունքներն այն մասին են վկայում, որ հեռուստացույցի առջեւ ժամերով նստող մարդկանց մոտ կարելի է սպերմատոզոիդների քանակական անկում նկատել...
Ավելի քան երեք տասնամյակ առաջ գիտնականներին հաջողվեց սպերմատոզոիդը ձվաբջջին միաձուլելով` արտաարգանդային բեղմնավորման հիմքերը դնել: Այն ժամանակ ֆանտաստիկ թվացող...
Ցեղը շարունակելու բնազդն ամենահինն է: Օրգանիզմի վերարտադրվելու հատկությունը ամենազորեղներից է: Իսկ եթե այդ ֆունկցիան ինչ-ինչ պատճառներով խախտվում է, առաջանում է անպտղության խնդիր: Սակայն դա խուճապի մատնվելու պատճառ չէ, այլ...
Եթե ամուսնանալուց հետո մի քանի ամիս անց կինը չի հղիանում, բոլորի մտքով նույն բանն է անցնում` «մեղավորը» կինն է. խնդիրներ ունի: Մարդիկ նման մտածելակերպ են ունեցել հազարամյակներ առաջ… շատ մարդիկ այսօր էլ նման կերպ են մտածում: Սակայն...
Ժամանակն անցնում է, իսկ ախտորոշումը դեռևս նույնն է, որը կարծես դատավճիռ լինի: Սովորության համաձայն` կինն այցելում է տարբեր բժիշկների, հետազոտվում է և փորձում գտնել չհղիանալու պատճառները, իսկ անհոգ ամուսինը չի էլ կռահում, որ խնդիրը հենց իր մեջ է...
Warning: mysqli::query(): (HY000/1): Can't create/write to file '/var/tmp/MYKk1cUE' (Errcode: 28 - No space left on device) in /sites/med-practic.com/classes/DatabaseManager_2.1.php on line 1381
Fatal error: Uncaught Error: Call to a member function fetch_assoc() on bool in /sites/med-practic.com/classes/DatabaseManager_2.1.php:1384 Stack trace: #0 /sites/med-practic.com/classes/article_class.php(102): TableManager->querySelectClassic('SELECT a.id, a....', Array) #1 /sites/med-practic.com/includes/include_footer_amen_kard_hod.php(5): Article->SelectAmenakardacvatsArticles(1) #2 /sites/med-practic.com/includes/include_bottom.php(9): require_once('/sites/med-prac...') #3 /sites/med-practic.com/bottom.php(7): require_once('/sites/med-prac...') #4 /sites/med-practic.com/article_more.php(151): require_once('/sites/med-prac...') #5 {main} thrown in /sites/med-practic.com/classes/DatabaseManager_2.1.php on line 1384